ژمارەی بەئەدەب

دیاگرامی یانگ: 15 = 4 + 5 + 6

لە تیۆریی ژمارەکاندا، ژمارەی بەئەدەب یان ژمارەی بەڕەوشت (داڕێژە:بە ئینگلیزی) بریتییە لە ژمارەیەکی تەواوی ئەرێنی کە دەتوانرێت بەشێوەی ئەنجامی کۆکردنەوەی دوو یان چەند ژمارەی تەواوی ئەرێنی یەک لەداوی یەک بنووسرێت. ژمارە بەئەدەبەکان بە ژمارەی پلیکانییش (Staircase Number) ناسراون، چونکە دەتوانرێن بە دیاگرامێکی پلیکانی بنوێنرێن. بە ژمارە تەواوەکانی تر کە ناکرێت بەم شێوە بنووسرێن دەوترێ، ژمارەی بێ ئەدەب یان بێڕەوشت .

ژمارە بەئەدەبەکانی کەمتر یان یەکسانن بە بیست

لە خوارەوە ئەو ژمارە بەئەدەبانەی کەمتر یان یەکسانن بە بیست پێڕست کراون: داڕێژە:Ltr ۳ = ۱ + ۲

٥ = ۲ + ۳

٦ = ۱ + ۲ + ۳

۷ = ۳ + ٤

۹ = ٤ + ٥ = ۲ + ۳ + ٤

۱۰ = ۱ + ۲ + ۳ + ٤

۱۱ = ٥ + ٦

۱۲ = ۳ + ٤ + ٥

۱۳ = ٦ + ۷

۱٤ = ۲ + ۳ + ٤ + ٥

۱٥ = ۷ + ۸ = ٤ + ٥ + ٦ = ۱ + ۲ + ۳ + ٤ + ٥

۱۷ = ۸ + ۹

۱۸ = ٥ + ٦ + ۷ = ۳ + ٤ + ٥ + ٦

۱۹ = ۹ + ۱۰

۲۰ = ۲ + ۳ + ٤ + ٥ + ٦

پاشیەکیی ژمارە بەئەدەبەکان

پاشیەکیی ژمارە بەئەدەبەکان، پاشیەکییەکی دوا نەھاتوویە لە ژمارە تەواوەکان و تێیدا ھیچ توانێکی ژمارە دوو بوونی نییە.

داڕێژە:Ltr ٣, ٥, ٦, ٧, ٩, ١٠, ١١, ١٢, ١٣, ١٤, ١٥, ١٧, ١٨, ١٩, ٢٠, ٢١, ٢٢, ٢٣, ٢٤, ٢٥, ٢٦, ٢٧, ٢٨, ٢٩, ٣٠, ٣١, ٣٣, ٣٤, ٣٥, ٣٦, ٣٧, ٣٨, ٣٩, ٤٠, ٤١, ٤٢, ٤٣, ٤٤, ٤٥, ٤٦, ٤٧, ٤٨, ٤٩, ٥٠, ... داڕێژە:Ltr/end $n$ـەمین ژمارەی بەئەدەب یەکسانە بە $f(n+1)$ کاتێک: داڕێژە:Ltr $f(n)=n+\lfloor {\log }_2(n+{\log }_{2}n)\rfloor$ داڕێژە:Ltr/end

ئەدەبی ژمارەکان

بە ژمارەی ڕێگەکانی دەتوانرێت ژمارەیەکی تەواوی ئەرێنی بەشێوەی سەرجەمی دوو یان چەند ژمارەی تەواوی ئەرێنی یەک لەدوای یەک دەرببڕێت دەوترێت ئەدەبی ئەو ژمارەیە. بۆ نموونە ئەدەبی ژمارە ٧ دەکاتە ١ و ئەدەبی ژمارە ١٥ یەکسانە بە ٣. بۆ ھەر ژمارەیەکی تەواوی ئەرێنی وەکوو $x$، ئەدەبی $x$ یەکسانە بە ژمارەی بەشدراوە‌ تاکەکانی گەورەتر لە ١ی ژمارەکە.

ژمارە بێ ئەدەبەکان

ژمارەی بێ ئەدەب، بریتییە لە ھەر ژمارەیەکی تەواوی ئەرێنی، کە توانێکە لە ژمارە ٢. لەبەر ئەوەی ئەم ژمارانە ناتوانرێت بەشێوەی سەرجەمی چەند ژمارەی تەواوی ئەرێنی یەک لەدوای یەک بکرێنەوە واتە بەئەدەب نین، پێیان دەوترێ ژمارەی بێ ئەدەب. پاشیەکیی ژمارە بێ ئەدەبەکانیش، پاشیەکییەکی دوانەھاتوویە.

سەرچاوەکان

• داڕێژە:بیرخستنەوەی ویکی