بڕواپێکراویی پێکھاتە

پیشاندانی چەمکی ئەگەری شکستی پێکھاتە لە ڕووی فانکشنی ئەگەری بار (s) و خۆڕاگریییەوە (R)

بڕواپێکراویی پێکھاتە (داڕێژە:بە ئینگلیزی) بریتییە لە بەکارھێنانی تیۆریی بڕواپێکراوی بۆ ھەڵسەنگانی دڵنیایی پێکھاتەکان. بە زمانی سادە بڕواپێکراویی پێکھاتەیە پێچەوانەی شکستی پێکھاتەیە. لە ڕووی بیرکارییەوە بڕواپێکراویی پێکھاتەیەک دەبێت بە ئەگەری تەواوکەری شکستی پێکھاتەکە $(\text{Reliability}=1-\text{Probability of Failure})$.

تیۆری

لە تیۆریی بڕواپێکراویی پێکھاتەدا ئەگەری شکستی پێکھاتەیەک بە ھاوکێشەی ژمارە یەک پیشان دەدرێت.

$P_f=\underset{0}{\overset{\mathrm{\infty }}{\int }}{F}_R(s)f_s(s)ds\mathrm{(}\mathrm{1}\mathrm{)}$

کە تێیدا $P_f$ ئەگەری شکستی پێکھاتەکە، $F_R(s)$ فانکشنی کەڵەکەکراوی ئەگەری خۆڕاگری و $f_s(s)$ فانکشنی ئەگەری بارە.

ھاوکێشەی ژمارە ١ تەنیا لە کاتێکدا بە کەڵک دێت کە فانکشنی ئەگەری خۆڕاگریی پێکھاتەکە و فانکشنی ئەگەری بارەکانی سەربەخۆ بن. بۆیە لە حاڵەتی گشتیدا ھاوکێشەی ژمارە ١ بە کار نایەت و ئەگەری شکستی پێکھاتە وەک ھاوکێشەی ژمارە ٢ دەنووسرێت.

$P_f=\int \int \underset{G(X)}{\int }{f}_X(X)dX\mathrm{(}\mathrm{2}\mathrm{)}$

کە تێیدا X ئاڕاستەکەری گۆڕەکە بنەماییەکان و (G(X فانکشنی حاڵەتی سنوورییە.