نەگۆڕی ڕاکێشان

پەڕگە:NewtonsLawOfUniversalGravitation.svg

یاسای ڕاکێشانی گەردوونی نیوتن

نەگۆڕی ڕاکێشان داڕێژە:بە ئینگلیزی، کە بە G نیشاندەدرێت، نەگۆڕێکی فیزیکی ئەزموونییە کە لە ھەژمارکردنی ڕاکێشانی نێوان دوو شتی خاوەن بارستدا کەڵکی ھەیە. ئەم نەگۆڕە لە یاسای ڕاکێشانی گەردوونی ئیساک نیوتن و ھەروەھا لە بیرۆکەی رێژەیی ئاینشتایندا دەردەکەوێت.

ھەروەھا بە ناوی نەگۆڕی ڕاکێشانی گەردوونی و نەگۆڕی نیوتنیشەوە دەناسرێت. ھەندێجارێش پێی دەوترێت Gی گەورە. نابێت بە ھەڵە وەربگیردرێت لە جیاتی "gی بچووک" کە نیشاندەری ڕاکێشی ستاندارد و ڕاکێشی زەوییە.

بە پێی یاسای ڕاکێشانی گەردوونی، ھێزی ڕاکێشەری نێوان دوو تەن (F) ھاوڕێژەیە لەگەڵ لێکدانی بارستکانیان (m_١ وm_٢) و بە شێوەی پێچەوانەوە ھاوڕێژەیە لەگەڵ دووجای مەودای نێوانیاندا: داڕێژە:Ltr

$F=G\frac{m_1{m}_2}{r^2}$،

داڕێژە:Ltr/end لەو فورمووڵەی سەرەوەدا، G نەگۆڕی ڕاکێشانە.

لە نێوان نەگۆڕە فیزیکییەکاندا ڕەنگە ئەندازە گرتنی نەگۆڕی ڕاکێشان دژوارترین بێت. لە یەکەکانی SIدا، نرخی ئەوەندەیە:

$G=(6.67428\pm 0.00067)\times 10^{-11}{\text{m}}^3{\text{kg}}^{-1}{\text{s}}^{-2}$